ZHASPROJECT ГРАНТЫНА ИЕ БОЛДЫҚ!

     

ZhasProject- жастар корпусын дамыту жобасы – бұл Халықаралық қайта құру және даму банкі мен ҚР Білім және ғылым министрлігінің бірлескен жобасы. Жобаны іске асыруды Үйлестіру агенттігі жүзеге асырады.

Қазақстанның 6 аймағынан барлығы 3 838 өтінім түсті.

Конкурстық іріктеу үш кезеңнен тұрады:

Техникалық іріктеу – өтінімдердің барлық шарттарға сәйкестігін және барлық қажетті құжаттардың дұрыс болуын тексеру. Осы жылы бірінші кезеңнің қорытындылары бойынша 2613 жоба өтті.

Бағалау комиссиясымен іріктелу. Бұл кезеңде сарапшылар жобаның әлеуметтік маңыздылығын, тұрақтылығын, іске асыру мүмкіндігін, бөлінген бюджеттің игерілуін бағалады. Осы жұмыспен жобаларды басқаруда мол тәжірибесі бар бизнесмендер, мемлекеттік органдардың өкілдері, халықаралық ұйымдардың мүшелері, блогерлер, сарапшылар, сондай-ақ қоғам қайраткерлері айналысты. Бұл кезеңнен 2416 жоба өтті.

STATA бағдарламасы арқылы жобаларды рандомизациялау қорытынды кезең болды. Бұл кезең Дүниежүзілік банк, Қазақстан Республикасы Білім және ғылым министрлігі, Жобаны басқару тобы мен Үйлестіру агенттігі өкілдерінің бақылауымен өткізілді.

Үшінші кезеңнің қорытындылары бойынша 1063 жоба грант иегерлері болды, соның ішінде «Ақпараттық технологиялар» кафедрасының мұғалімі Тлеубаева Арайлыммен «Ақпараттық жүйелер» мамандығының 1 курс студенттері Нуркенов Асанәлі, Ержұман Санжар, Әлембаев Тимур және Қожақан Сымбат командасы грантка ие болды.

Команда «Көпбалалы, аз қамтылған отбасылардан шыққан балаларға робототехника үйірмесі» жобасын жүзеге асырады.

 

FaLang translation system by Faboba
Қоңырауға тапсырыс беру